العدد الثالث والعشرون - حزيران 2007

قـامـات

عماد ملاعب
الثلاثاء 26 حزيران (يونيو) 2007.
 

لبسوا عبايات العتم

وغطّوا ايديهُن بالحنين وبللوا

طْراف الحلم

وتسللوا...

صوب للي إسما ضيْعُتُن

ما عاد بدُّن ينزلوا

معهن صور لولادهم بيجيبتُن

معهن وعد

صوت الرعد... بحناجرُن

هونيك بديت قصُّتُن

 

صار الشجر

يحفر بيبالو قامتُن

صار الصخر

ينقش عا وجُّو... هيبتُن

مشيو على حفافي الوقت

والموت كان هبوب

والعمر كان غروب

ويا مين يحكي حكايتُن

يوم للي نقَّط دومهُن

متل الحبوب

تا صار عم يشرب مِنُن

من ريحتُن... ويذوب

بتراب الأرض

ويطلع عشب وطيوب

مطرح ما نسيوا دعستُن

بعدا الكرامة

مزهرة... بأرض الجنوب.

 

الشاعر عماد ملاعب

قصيدة من ديوان سينشر لاحقاً