العدد الثامن والعشرون - تشرين الثاني

لازم غيّر...؟

سعيد ملاعب
الجمعة 7 كانون الأول (ديسمبر) 2007.
 

سألتيني إزا...

بعدني عم بكتب شعر

بزمن الحرب بزمن الفقر

بزمن الذل بزمن القهر

بزمن الموت بعز الضهر

حبيتك، ما بملك شي

بزمن المال بزمن الكفر

وحلمت جبلك كل شي

وما في معي جبلك مهر

حبيتك، بجنون كتير

جنون الشاعر فوق السطر

حبيتك، بلا تفكير

بطول السما بعرض البحر

حبيتك، بلا تفسير

بعد الموت وقبل العمر

حبيتك، تَ الكون يصير

بسمة طفل وكمشة عطر

حبيتك، حب الفقير

بيت الشعر بحلمو قصر

حبيتك، بطموح كبير

نمشي تحت قواس النصر

حبيتك، بس التعتير

أقوى من حبي بكتير

بزمن الهجرة والتهجير

لازم غيّر لون الحبر

 

سعيد ملاعب