العدد الواحد والثلاثون - آذار

موتي مهضومي

سعيد ملاعب
السبت 15 آذار (مارس) 2008.
 

ما تنغرمي فيي كتير

تَ مَ تكوني مصدومي

يمكن بكرا فجأة طير

بشي سيارة ملغومي

يمكن انزل تَ كسدر

ويمرق من حدي موكب

حدا الموكب يفجر

واختفي من هَ الكوكب

وبطلع عالضيعة بكيس

متل لحمي مفرومي

ما تنغرمي فيي كتير

تَ متكوني مصدومي

يمكن مرة طالع كون

ع خط الشام بذاتو

ويطلع عني شي كميون

فلتانين فراماتو

أمي يصيبا مس جنون

وبيي يطيرو عقلاتو

ويتظاهرو أصحابي

وتستنكر الحكومي

ما تنغرمي فيي كتير

تا متكوني مصدومي

ويمكن بكرا فلان يصير

رئيس الجمهورية

وبنفس الليلة علان

وزير الداخلية

ونتخبى متل لدجاج

من رصاص الابتهاج

وساعتها رصاص الطايش

ازا خلا واحد عايش

أمو بتكون دعتلو

بليلة قدر، محسومي

ما بدي من الدنيي شي

بدي موتي مهضومي

بدي موتي مهضومي

بدي

موتي

مهضومي