العدد الثالث والثلاثون - آيار

بتسوى دولار

سعيد ملاعب
الثلاثاء 3 حزيران (يونيو) 2008.
 

قالت لفقار

بيجيب نقار

وأنا فقير

وبحبا كتير

وحولي التعتير

عامل حصار

 

قلتلا بحبك

خليكي حدي

يا احلى زهرة

يا احلى وردي

بنيتلا قصر

ع وراق الشعر

قالت ما فيي

آكل اشعار

 

قالت مديون

وكلك مشاكل

خبز وزيتون

ما بدي آكل

العيشي مخيفي

آمنلي رغيفي

وشو بقدر أمّن

بين التجار

جبتلا زهور

سقيتا من دموعي

والضحكي نور

غلت بضلوعي

بس المحبي

بدا قلبين

دبلت بقلبي

ودبلو الازهار

 

رحنا كسدورة

تنغير جو

نزلنا بالجورة

كسّرنا الضو

سيارة تدبك

وأنا متلبك

عمقِلا بحبك

والراتب طار

 

قالتلي هويدا

كرستين وعيدا

وريما ورويدا

بهَ الزمن هيدا

حامل دولار

بتسوى دولار