العدد السابع والثلاثون - كانون الاول

ما قلّي وقلتلّو

سعيد ملاعب
الجمعة 12 كانون الأول (ديسمبر) 2008.
 

LAPTOP

 

قلتلو : كيف عمبتقَسّط لابتوبَك.

قلّي : ع 3 سنين.

قلتلّو : ليش!

قلّي : لأنّو ما في عَ خمسة.

 

ميّ

قلّي : يا زلمي إلها يومين ما إجت عنّا الميّ.

قلتلّو : شو يعني ميّ.

 

كلمي

قلّي : شكلين ما بحكي.

قلتلّو : تلات أربع شكال.

 

حاجز درك

قلّي : وين الطّفّاية.

قلتلّو : معك

قلّي : كيف‌!

قلتلو : معك، يعني عم تحكي معك. أنا الطّفّاية.

قلّي : مش عم بمزح معك+زبط.

في السّوبر ماركت :

قلتلّو : عندك معلّبات.

قلّي : أكيد.

قلتلّو : عطيني علبة كبريت!

لقاء مع مديري السّابق في السّعوديّة :

قلّي : كيفك ماشي حالك بلبنان.(الإجابة معروفة) بتروح عا باكستان.

قلتلّو : يا دكتور أنا بلبنان بكستاني.

قلّي : هه، بتصير بباكستان لبناني!

صديقي ل بيكره حماتو :

قلتلّو : مزبوط ستّك معا سرطان.

قلّي : لأ. السّرطان معو حماتي.

تعرّفت عليها بتاريخ 4/10/2008 :

قالتلي : شو بيعنيلك 4 الشّهر.

قلتلا : بعد 26 يوم بقبض.

إيرباغ Airbag :

قلّي : كيف عملت حادث، شو تخمين فتت بإرباك.

قلتلو : تُ - فات فيي الإيرباغ AIRBAG.

 

ع المازوت

قلتلا : ماما (بعصبيّة شديدة) وين الجريدي اللّي كنت عم بقراها مبارح.

قالتلّي : شو بيعرّفني، بعدين السّني منا نشتي ع المازوت.!

ملاحظه : ما قلّي وقلتلّو هوَ عنوان أغنية للرّاحل فريد الأطرش. بالمناسبة، في واحد من بيت الأطرش إجاه صبي سمّاه "نيال"

 

 

 

سعيد ملاعب